ពាណិជ្ជកម្ម

ច្បាប់ស្តីពីសហគ្រាសពាណិជ្ជកម្ម ត្រូវបានប្រកាសឲ្យប្រើដោយព្រះរាជក្រមលេខ នស/រកម/០៦០៥/០១៩ ចុះថ្ងៃទី១៥ ខែមិថុនា ឆ្នាំ២០០៥ ច្បាប់នេះមានវិសាលភាពកំណត់ទម្រង់ក្រុមហ៊ុនសហកម្មសិទ្ធិ និងក្រុមហ៊ុនមូលធន ដែលធ្វើពាណិជ្ជកិច្ចនៅក្នុងព្រះរាជាណាចក្រកម្ពុជា។ ក្រុមហ៊ុនសហកម្មសិទ្ធិ មានក្រុមហ៊ុនសហកម្មសិទ្ធិទូទៅ និងក្រុមហ៊ុនសហកម្មសិទ្ធិមានកម្រិត។ ក្រុមហ៊ុនមូលធន មានក្រុមហ៊ុនឯកជននទទួលខុសត្រូវមានកម្រិត និងក្រុមហ៊ុនមហាជនទទួលខុសត្រូវមានកម្រិត។ ក្នុងករណី លោក លោកស្រី ត្រូវការបង្កើតក្រុមហ៊ុនណាមួយខាងលើស្របតាមសកម្មភាពអាជីវកម្មរបស់អស់លោក លោកស្រី និងស្របតាមច្បាប់នៃព្រះរាជាណាចក្រកម្ពុជា។ សូម លោក លោកស្រី មេត្តាទាក់ទង់ទៅសុំប្រឹក្សាយោបល់លើបញ្ហាខាងលើ ជាមួយមន្ត្រីមានសមត្ថកិច្ចដែលទទួលបន្ទុកកិច្ចការជំនាញ ឬទាក់ទងមេធាវីជំនាញជំនាញ ដើម្បីទទួលបានការយល់ដឹងផ្នែកច្បាប់កាន់តែច្បាស់និងស៊ីជម្រៅ ជៀសវាងបញ្ហាហានិភ័យផ្នែកច្បាប់ផ្សេងៗជាចាំបាច់។